#eugenio roscilli

Mecalìna
( Versi: T. Iorio – Musica: D.R. Merolle)
Versi liberamente tratti dalla raccolta Cuccione

Mecalìna da criatura fu normale pe’ ‘ne pézze,
po’ pe’ colpa ‘e ‘na paura, chemenciatte a fà’ stranezze.
Pazziènne ,’ntreppecatte, jétte ‘n terra a rececone,
e dagl’jorne che cascatte se jecatte la ragione.
Chest’è quante se icétte ma n’fu mica la urdà,
mo tu attécchia comme jétte, te la uoglie arraccuntà:
fu nel quindici, a gennare, quande fece i’ terramute,
‘ne sfracéglie senza pare i’ chiù triste in assolute.
Mecalìna pe’ fa’ prima attaccatte ‘na ulàta,
ce cascatte i’ munne ‘ncima, remanette ‘ntrappelata.
Lòche sotte ‘sta porella aspettènne la salvezza,
ce lassate le ceruèlla e ‘ne fiore ‘e giùunezza.
La natura prò s’agisce n’se chemporta alla leggèra,
se caccosa te rapisce te chempènsa a ca’ manèra:
senza ‘n’ombra ‘e bellezza, senza i’ lume ‘ella ragione,
Mecalìna, a robustezza, era comm’a ‘ne lione.

Era nata da Francucce, ‘rasse, ‘rosse e scustemate,
chiù ceccone de ‘ne ciùcce, sempre suzze e sedacchiate.
I’ chiamaune i’serpàre, chi le sa? Forse pe’ sbaglie,
quand’invece era sellàre pe’ bardà ciùcce e cauàglie.
Scuncertàua tutte quante, né badàua all’etichetta,
ma facéua, comm’ice Dante: che glie cule la trembètta.
Prò a Francucce ‘ste stremente ‘n s’addattaua a perfezione,
‘cà senaua, puzzolente che glie cule ‘ne trembone.
Era figlia pure a Rosa, propria chella ‘e glie lemùne:
‘na recètta prodigiosa pe’ guarì’ le ‘ndegestiùne.
La chiù mméglie mmedicina quand’i’ corpe te se scioglie,
la chiù adatta uitamìna, p’ogni male che te coglie.
‘Oppe morte mamma e tata, Mecalìna, pe’ campà’,
nen perdette ‘na jernata, se mettette a fatià’.
Trasportaua ‘na carretta, uecchia, lenta e cigolante,148
se caccosa n’ce garbàua scarecàua tutte quante.
Pe’ tenerse sempre ‘n forza s’appeggiàua alla traìna,
s’agliettéua, senza scorza, sett’ott’òua de caglìna.
Ma ‘na cosa Mecalìna la facéua ‘a gran maestra,
‘ne comizie ogni mmatìna affacciata alla fenéstra.

Mecalìna e Sciazzulélla, chiste appunte era i’ marite:
longhe-longhe, allampanate, puzzolente e mal vestite.
Se spesanne all’annascùse, senza ìce jorne e poste,
ma i cucciùne, stènne agli’use, ce facirne i’ terentoste.
Che la gente de Cancèglie era sempre ‘na canzone,
sempre a fa’ a carne e curtéglie, spisse senza ‘na ragione.
Alla fine d’ogni lite, te uardaua fisse ‘n faccia,
po’ puntènnete ‘nne ìte, pronunciaua ‘sta minaccia.
Nen te crède ‘e farla franca, nen s’ò mica n’alfabeta,
i’ curagge nen m’ammanca, mo’ te facce ‘na curèta.149
Preparaua i’ tauline carta, penna e calamare:
mo’ te facce ‘ne presìne, mo’ pe’ te s’o’ cazze amare.
‘Sta curèta uà lentana e ‘n chiù tarde de masséra,
brutte figlie de puttana t’aglie ‘a udé fenì ‘n galera.

Ma ‘ne jorne i Carbenére préste-préste, la mmatìna,
la ‘mbarcarne che ‘na scusa pe’ pertarla ai pazzaréglie.150
La poraccia era capite, la strappaune ‘a Cancèglie,
aspettate, nen s’ò pronta, n’pòzze unì tutta panonta.
Mecalìna se ne jétte, n’se sentétte chiù ‘ne fiate,151
la traìna remanette che le stanghe addausàte.

VIDEO: DI EUGENIO ROSCILLI